OUÇA O NOTICIÁRIO EM LATIM

O boletim do Vatican News Service apresenta uma vez por semana noticiário sobre mensagens do papa Francisco em Latim. O áudio que é acompanhado de texto na língua de Ovídio. Aí segue uma amostra:

 

Notitiae Vaticanae Latine redditae

Die vicésimo nono mensis Februárii anno bis millésimo vicésimo (Papa petit a nobis ut quadragesimáli témpore ab instruménto televisífico ac teléphono gestábili abstineámus.

Propínquitas Francísci iis quos Coronárium virus invásit iísque qui eos curant.

Papa pópulo Iráquiae ait: vos estis campus belli, pro vobis orámus.

Ómnibus vobis audiéntibus salútem imo ex corde dicit Márius Galgano, qui hanc editiónem nuntiórum Latína língua prolatórum confert.

 

(REPORTAGENS)

Pulvis nos monet de nostrae exsisténtiae itínere: a púlvere ad vitam.

Haec sunt verba Papae Francísci occasióne celebratiónis Fériae quartae Cínerum. Refert nobis Olga Sakun:

Praesértim in difficultátibus ac in solitúdine inspícimus nostrum púlverem, recordátus est Sanctus Pater in homília sua, occasióne Celebratiónis Eucharísticae in Basílica Sanctae Sabínae actae. Dóminus autem nobis ánimum áddidit: parvum quod sumus, in óculis Eius pretium magnum habet. Papa verbis suis ab ómnibus quaesívit audáciam, mémorans nos natos esse ut amémur, ac nati sumus ut fílii Dei fiámus. Papa Francíscus praesédit processióni paenitentiáli ab Ecclésia Sancti Ansélmi ad Basílicam Sanctae Sabínae. Eódem die, in audiéntia generáli Papa quaesívit ut instruméntum televisíficum exstinguámus et ab teléphonis gestabílibus recedámus, garrulitátem violentiámque verbórum deponámus et cum Iesu procedámus ad tam multa loca deserta quae nos circúmdant, scílicet ad “iter caritátis” faciúndum quod ampléctitur páuperes, senióres, reiéctos. In Féria quarta Cínerum, cum íncipit tempus quadragesimále, hoc est exhortátio Papae Francísci ad duódecim mília fidélium in audiéntia generáli Foro Sancti Petri congregatórum, post contiónes in Aula Pauli Sexti, témpore hiemáli hábitas.

Post novíssimos casus pestiléntiae quos vexávit Coronárium virus in divérsis natiónibus orbis terrarum, ánimum Papa rursus patefécit illis qui in terrárum orbe hac pestiléntia conflictántur. Agit Rosárius

Tronnolone